부산대학교 도서관

Истражувањата беа вршени кај винската сорта ‘ркацители. Лозовиот насад се наоѓа во локалитетот Смилица - Тиквешко виногорје. Насадот е подигнат во 1996 година со стандарден саден материјал, со растојание 2,4 m помеѓу редови и 1,2 m лозите во редот. Системот за одгледување е двокрак Гиов, а секоја лоза беше оптоварена со по 20 окца. Применувани се оптимални агротехнички и ампелотехнички мерки. За време на периодот на истражување беа вклучени следниве елементи: фенофази на развој, родност на окцата, маса на гроздот (g), хемиски состав на ширата (содржина на шеќер, вкупна киселина и pH) и хемиска анализа на вино. Врз основа на добиените резултати можеме да заклучиме дека сортата ‘ркацители припаѓа на групата сорти со висока родност (коефициент на плодност 1,10) со просечна маса на гроздот од 235 g. Ширата содржи 223 g/L шеќер и 6,4 g/L вкупно киселини, виното е со оптимална содржина на алкохол (12,33 vol%) и остаток на неферментиран шеќер од 1,7 g/L, а е резултат на селективно собирање на грозје и начинот на винификација. [ABSTRACT FROM AUTHOR]