부산대학교 도서관

Неопијатната анестезија (opioid free anesthesia-OFA) се дефинира како анестезиолошка тех- ника во која не се користат опијати во интраоперативниот период (системски, невроаксијално или интракавитарно). Анафилаксата предизвикана од опијати (fentanyl) е многу ретка појава, која се манифестира со хипотензија и уртикарија. Kога имаме докажана алергија на fentanyl, одбивање од страна на пациентот за поставување епидурален катетер за аналгезија и одбивање за двостран transversus abdominis plane block (TAPB) воден под ултразвук, мора да се размислува за користење мултимодална неопијатна анестезија. Концептот на мултимодална балансирана аналгезија се состои од давање неколку различни аналгетици за да се измени патофизиолошкиот процес што е вклучен во ноцицепцијата и на тој начин да се добие поефективна интраоперативна аналгезија со помалку несакани ефекти. Прикажан е случај на 60-годишен маж предвиден за лапаротомиска хемиколектомија, со претходно докажана алергија на fentanyl. Одлучивме да му дадеме неопијатна анестезија. Пред воведот во анестезијата пациентот прими dexamethasone (dexasone) 0,1 mg/kg и paracetamol 1 gr интравенски. Пациентот беше воведен во општа ендотрахеална анестезија според стандардизиран протокол со midazolam 0,04 mg/kg, lidocaine 1 mg/kg, propofol 2 mg/kg и rocuronium bromide 0,6 mg/kg. Анестезијата се одржуваше со инхалациски анестетик sevoflurane со вредност на MAC 1, со цел да се одржува вредноста на средниот артериски притисок (МАР) +/- 20 % од првичната вредност. По ендотрахеалната интубација, на пациентот му дадовме ketamine 0,5 mg/kg (или 50 mg ketamine) интравенски во болус и континуирана интравенска инфузија со lidocaine 2 mg/kg/hr и magnesium sulfate (MgSO₄) 1,5 gr/hr. На крајот на операцијата ја прекинавме континуираната инфузија со lidocaine и magnesium sulphate, додека хирургот го затвораше абдоминалниот ѕид, и аплициравме интравен- ски 2,5 gr metamizole (новалгетол). Пациентот беше префрлен во собата за будење и не се пожали на никаква болка во раниот постоперативен период. Визуелната аналогна скала за болка, односно ВАС-скорот за болка два часа по операцијата беше 6/10. Дадовме 1 g paracetamol и пациентот го пративме на оддел. Следните три дена пациентот имаше ВАС-скор 4-6/10 и примаше paracetamol 3x1 g и novalgetol 3x1 g дневно на секои четири часа. [ABSTRACT FROM AUTHOR]