부산대학교 도서관

Вовед: Проценката за присуство на хепатална фиброза кај пациентите со хроничен хепатитис Б (ХХБ) е од големо значење во евалуација на фазите на хроничната ХБВ инфекција, навремена адиминистрација на антивирусна терапија и превенција на прогресијата на болеста и појава на касните компликации на ХХБ. Цел: да се определи клиничкото значење на квантитативниот ХБс антиген како предиктор на хепаталната фиброза кај пациенти со ХБеАг негативен хроничен хепатитис и пациентите инактивни носители. Материјал и методи: Цо студијата беа вклучени 44 пациенти со хроничен хепатитис Б, поделени во две групи, инактивни носители и пациенти со ХБеАг негативен хроничен хепатитис Б. Кај сите пациенти беше спроведено лабораториско и серолошко тестирање, ехосонографија и транзиентна еластрографија (ТЕ). И кај двете групи на пациенти беа анализирани квантитативниот ХБс антиген (HBsQ), аланин аминотрансфераза (АЛТ), хепатитис Б вирусната деоксирибонуклеинска киселина (ХБВ ДНК) и хепаталната фиброза. Резултати: Вредноста на HBsQ е значајно повисока кај пациентите со ХБеАг негативен хроничен хепатитис Б2477,02±4535,44 во однос на инактивните носители 8791±11891 IU/ml;Z=3,32, p<0,001 (p=0,0009). Кај ИН, 1 пациент (4,76%) имал фиброза, а 20 (95,24%) немале фиброза. Од 23 пациенти со ХБеАг негативен ХХБ 8 (34,78%) имале фиброза, а 15 (65,22%) немале фиброза. Пациентите со ХБеАг негативен хроничен хепатитис Б имале значајно поголема хепатална фиброза во однос на ИН; Fisher Exact Test p<0,05 (p=0,02). Зголемувањето на HBsQ за единечна мерка (IU/ml) нема предиктивна вредност за фиброза (Ext (B) =1, 00), 95% C.I. for EXP (B): 1.00-1.00 / p>0, 05. Заклучок: Квантитативниот ХБс антиген има статистички умерено слаба предикција за хепатална фиброза R=0, 25 (p<0, 10). [ABSTRACT FROM AUTHOR]